ديوان الشاعر خالد المريخي

بسم الله الرحمن الرحيم ,,

من هو خالد المريخي

الشاعر في سطور

الشاعر خالد المريخي شاعر كويتي ينتمي إلى جيل الشباب قدم الشعر النبطي
بطريقة سهلة سلسة وخالية من التعقيد ولذلك أحبه الجمهور الخليجي من عمان
وحتى الكويت ويمتاز المريخي بصوته المميز في الإلقاء وطريقته الغير عادية
في قراءة القصائد وهذا خلق له قاعدة جماهيرية عريضة كما أن كلماته مؤثره
وتمتاز في أغلبها بالقوة والشدة وله العديد من الأغراض الشعرية المؤثرة مثل قصيدة الأم والأسير ..

يا للي اتطالع

يا للي تطالع وكنك ما تطالعني ii"
" نظرتك هذي حبيبي لا iiتكررها
صحيح شاطر ولكن صعب تخدعني "
" أنا على الطاير افهمها iiواطيرها
أنا مزاجي واطيع اللي يطاوعني ii"
" ان كان لي خلق أمررها iiأمررها
اسمع كلامي إذا ودك تولعني ii"
" سعادتي خلها همك iiودورها
ابنصحك قوم خل عنادك وطعني ii"
" وتعال نطوي الليالي iiونتذكرها
وسمعني اللي كتبته فيك سمعني ii"
" والكلمة اللي تشكل معك iiغيرها
بلسانك الشعر لو تكسر يمتعني ii"
" كسر يا بخت البيوت اللي iiتكسرها

ما بيّن بعينك

ما بيّن بعينك على كثر ما جاك ii"
" لا واحسافة ليتني ما iiعطيتك
تخطي وأعذرك وأتحمل خطاياك ii"
" هويت غلطاتك كثر ما iiهويتك
ضحيت بالدنيا علشان دنياك ii"
" خليت كل اللي يبيني iiوجيتك
كنت بعيوني وين ما أطالع ألقاك "
" حتى لو غمضت عيني iiلقيتك
من كثر ما أحبك وأقدرك واهواك ii"
"ما أذكر اني في حياتي iiعصيتك
ولا فاد كل اللي أسويه وياك ii"
" أتعبت قلبي ليتك تحس iiليتك
والحين روح أرجوك ساعدني أنساك "
" لا تجي حتى لو اني iiبغيتك
وان مر في بالي بقايا لذكراك ii"
" بحاول أنساها مثل ما iiنسيتك

صادفنّي ثلات

صادفنّي ثلات إحترت ويّاهن ii"
" أبهرني صحيح وقمت iiأطالعهن
طولهن واحد ،،ولبستهن ،،وممشاهن "
" والله أعلم بعد يمكن iiطبايعهن
زاهياتٍ براقعهن ،، وتزهاهن ii"
" لعنبو جدهن ما أحلى iiبراقعهن
لا رضى ابوهن عن الناس خبّاهن ii"
" ولا بغى يدمّر العالم iiيطلّعهن
قمت أعدّد على نفسي مزاياهن ii"
" وقمت أردد على نفسي وأنا iiأتبعهن
هذي أحلاهن،،لالا،،هذي أحلاهن ii"
" لالا،،لاذيك لا،،لاماهي iiبمعهن
وإستدارن ،، بجنبي شخص ناداهن ii"
" قلت ذي فرصتي بأقصد iiوأسمّعهن
للقصايد مع إني حافظ أرداهن ii"
" إرتبكت وعجزت أتذكر iiأروعهن
والسوالف بعد خلني أنساهن ii"
" ضيعنّي صحيح الله iiيضيعهن
والدليل إني تخربطت ويّاهن ii"
" أبسلم عليهن ،،قمت iiأودّعهذن

هذا بلا أبوك ياعقاب

يا ناس خلّوني معه وإتركوني ii"
" محدٍ معوّضني غيابه إلا iiغاب
أغليه بس شلون لا تسألوني ii"
" الحب من ربي يجي ماله iiأسباب
شوفوه بعيوني قبل تعذلوني ii"
" شوفوا حبيبي ماهو بمثل الاحباب
ترضون ولا كيفكم تزعلوني ii"
" أنا حبيبي سيد تلعات iiالارقاب
مافيه مثله بالبشر صدقوني ii"
" مزيون متواضع وطيب iiوجذّاب
يقول بس الزين فيني عيوني ii"
" وأقول أنا ذا بلا بوك iiياعقاب

فمان الله

فمان الله يا أغلى ماسكن قلبي فمان iiالله"
" فمان الله من شخص أظنك صعب iiتنسينه
فمان الله يا أول حب عاشه خالد iiبدنياه"
" عرفك زين وأنت يابعد عمره iiتعرفينه
أجل يومه طفل من غيرك اللي ضمه iiورباه"
" أجل من تعّبك ليما كبر وأنت iiتربينه
أجل من قال : خل نفسك عزيزه والهوان أجفاه"
" توصينه على العز وعلى الفزعه iiتوصينه
أجل من دلّله واغلى غروره حيل يوم iiأغلاه"
" تهنينه إلى من صاب واليا اخطا iiتعذرينه
أجل ياكويت من غيرك خذا بيده ومن iiخلاه"
" يكافح لين يلمس أبعد النجمات iiبيدينه
أجل من شجعه يومه قصد غيرك وقال iiالله"
" حفظتي كل شعره من كثر مانت iiتحبينه
يا أم الخير مامثلك مثيل ولا أظن iiاشباه"
" عزيزه دار عز ومن نوى عزك iiتعزينه
فقير الجاه لامن صار وسطك صار عنده iiجاه"
" وفقير المال لامن قاربك والله ال iiتغنينه
انا ياكويت من حشمه ترابك ما احب iiآطاه"
" أحسه طاهر والطاهر إلى من دسته iiتهينه
أنا توي دريت إن المفارق كايده iiبلواه"
" وعرفت ان المفارق ينعذر لادمّعت iiعينه

هاك كل القصايد

هاك كل القصايد .. هاك وأقريهن "
" لاتقولين وش آخرهن وش iiأوّلهن

كلّهن فدوةٍ لك هاك قولي ii"
" في لسانك ترى iiلسانك..يجملّهن

غيبتك أثّرت في حال راعيهن ii"
" قطعة أيام عيّا iiلايتحملّهن

بس يمكن ثلاث أيام غبتيهن ii"
" لعنبو..هالثلاث iiأيام..ماأطولهن

طالعي في فعايلهن وشوفيهن ii"
" تحت عيني تبيّن لك iiفعايلهن

ماارحمنّي بعد ماطحت في يديهن ii"
" بهدلّني جعل ربي iiيبهدلهن

ماهقيت أني اسلم من بلاويهن "
" كان سيئ معي جداً iiتعاملهن

وتهت حتى القصايد قمت اعنّيهن ii"
" يكملن..وانسى واعوّد iiواكملّهن

والمعاني غريبة قمت أنقّيهن ii"
" عقب ماكنت من قبل iiآتحايلهن

وقلت مادامهن جنّي برجليهن ii"
" باتشرّط عليهن وآخذ iiأجملهن

إتركي هالثلاث أرجوك خلّيهن ii"
" سولفي بأي iiحاة..بنتجاهلهن

إنسي أيامهن وإنسي لياليهن ii"
" همّليهن وأنا مثلك iiباهمّلهن

لاتجيبين سيرتهن وطاريهن ii"
" أنزعج حيل..لاقمت iiاتخيّلهن

لي كرامة

يا الله إني طالبك منها السلامة
الحياة اللي مناكرها تهيا

الفتن في هالحياة أكبر علامة
من بغا فيها الفتن قيل لْه : هيا

ضيّعوا فيها دروب الإستقامة
والمراجل منهم تْشوف الجفيا

ناسٍ تْحدّك على دْروب الندامة
وإعتزال الشر ما يصعب عليا

إعتزلت اللي غضب ربه مرامه
وْكل منهو يبغض رْجال الحميا

وْكل منهو قاضبٍ درب الغشامة
وْمن يدوّر في ذرا الدينار فيا

ما عليّ خْلاف فالليل وظلامه
المراجل كلبوها في يديا

لي كرامة ما تضاهيها كرامة
كود للي مْقاصرٍ نجم الثريا

لو وقفوا هالغرب في صف شارون

أبدي بذكر المرتجى خالق الكون
الواحد اللي دوم لرضاه راجين

اللي حكم بالكون بالكاف والنون
سبحانه اللي نزّل آيات ياسين

ومن بعد ذكر الله أبا اقول وش لون
تبدّلت فينا من الزين للشين..!؟

تاريخنا بالمجد له ساس وقانون
والوقت بدّل ما لنا من قوانين

اللي أشوفه يا عرب بالتلفزون
غير الذي حاصل من أعوام وسنين

أشوف شيٍ مثل ما انتم تشوفون
وش حاصلٍ بالقدس وباقي فلسطين

ذيك الديار اللي بها المجد مكنون
مسرى نبي الله ومهد النبيّين

أشوف فيها العدل ماهوب مصيون
وأشوف فيها ذل ناسٍ عزيزين

وأشوف فيها الظلم والذل والهون
ولا تقبل الذلّة نفوس الكريمين

ناسٍ بلا مسكن وناسٍ يموتون
وناسٍ على وضح النقا مستذلَين

اللي بقا منهم بهالأرض يفنون
وأكثرهم اللي عن وطنهم بعيدين

تبغى السلام اللي على الحفظ والصون
والسلم ماهو في يدين المجرْمين

اللي طغو فالأرض والناس يدرون
ما مثلهم بالكون كود الشياطين

أنجاس للإسلام دايم يكيدون
يا الله تحبط كيدهم هالملاعين

ذولا خنازيرٍ على الأرض يمشون
حرام إن ذولا امخلوقين من طين

لو وقفو هالغرب في صف شارون
حنا بصف اللي يهز الميادين

ربٍ كريمٍ عز موسى وهارون
وأنجى نبيّه من كيود المشرْكين

يا الله يا اللي لك عبادك يصلون
يا الباقي وكل المخاليق فانين

تنصر عبادٍ لك على قوم صهيون
وتجلب لهم يومٍ مثل يوم حطّين

تمّت بحمد المرتجى خالق الكون
والحمد للخالق على نعمة الدين

سواها قلبي

سواها قلبي .. يا حبيبي وحبك ..
ما طاعني وانا عن الحب ناهيه ..
الظاهر انه .. ما يبي غير قربك ..
عاف الجميع واول الناس راعيه ..
عليه ما اوصيك لاصار جنبك ..
صبح عليه بحب .. وبحب مسيه ..
نبضه وفا .. وبتضحياته يعجبك ..
صافي ولكن ما لقى من يصافيه ..

خلا دروب الكل واختار دربك ..
داريه تكفه قد ما فيك داريه ..
وابشر بقلب ما يبي غير قربك ..
يموت وغير محبتك ما سكن فيه ..

جيت أشتكي لك من عنا الوقت ابرتاح

جيت أشتكي لك من عنا الوقت ابرتاح .
. لقيت نفسي أشتكي من همومك

يا عونة الله ما بقى شي ما راح ..
مدري ألوم الوقت والا ألومك

جيتك وقلت بعالي الصوت : يا صاح ...
بالله ساعدني ترى اليوم يومك

لا النفس مرتاحه ولا القلب مرتاح ...
وحسيت نفسي واحد من خصومك

اثريك صاحب بس في وقت الافراح ...
وبكل سهوله ترخص اللي يسومك

الله يعين القلب وشلون يرتاح ...
زود على همومه تحمل همومك

[size=18]
يا حلو لثغتها

نور عيني تبعثرني متى ما لفت
وكل الاوراق تتلخبط بشوفتها

لا حضر نورها نور الليالي خفت
ذيك حتى المسا يحسب لطلتها

المشاعر ليا من صادفتها دفت
والاحاسيس تتباشر بجيّتها

أنجذب حيل صوب عيونها لا غفت
تجذب الكون كله جاذبيتها

إن صفا جوها دنياي معها صفت
ما يروّق مزاجي غير ضحكتها

البراءه ليا منا كبرنا اختفت
بس اهي عكسنا زادت براءتها

إن حكت من خجلها دنّقت وارجفت
هذا هالحين وشلون بطفولتها ؟!

كن بلسمها لثغه ليا سولفت
بس يا حلوها ويا حلو لثغتها
[/size]

[size=18]
جتني قصيده كنها رسم رسام

جتني قصيده كنها رسم رسام
أصيلة وآنا هواي الأصيله

ومن يوم جتني هاجس الشعر حوّام =
ومن طيب راعيها نويت احتسي له

لوّ المراجل نعتبرها بالارقام =
أنا اشهد انه بياخذ اكبر حصيله

غلام سعد اللي لهم مثله غلام =
أشفى غليل ابوه واشفى غليله

وعنده قلم مهو مثل كل الاقلام =
محرّم ما يكتب الا الجميله

هو يشتكي لي كل ما صار منضام =
وانا على طول ان زعلت اشتكي له

بقول له دامه على الوقت لوّام =
الوقت بيدنا ولاباد حيله

ياخوي لا تتعب بتحسيب الاعوام =
مافات خلّه واتركه لا تخيله

شفني أنام أحيان واحيان ما نام =
أفرح دقايق وانطوي كل ليله

كني شعب بغداد والوقت صدام =
ما هو بكيفي غصب قمت انحني له

حملي تقسّم وانقسم عشرة اقسام =
حاولت اشيله لكن ازريت اشيله
[/size]

لمحت لك

ياللي تعيش بهنا
= حس بشعوري أنا

لمّحت لك ألف مرة
وانته ولا انته هنا

جيتك وكلي غرام =
وسمّعتك أحلا الكلام

وانته ولا ملتفت لي
يا سيدي والله حرام

طولت بالي عليك
لكن تعبت ارتجيك

مدري أبيك وتبيني
أو بس أنا اللي أبيك

ياللي العمر ما كفاك =
متى تحس بغلاك ؟

أموت واعرف حبيبي
ايش آخرتها معاك ؟

أنت اللي خسران

أنت اللي خسران يوم انك تزعلني
والا أنا واجد أحبابي وخلاني
ان كان ربي عطاني عمر وامهلني
مصيرك تشوف من يندم على الثاني
بتجاهلك ماهوبس أنت اتجاهلني
عهد علي أني أنسى من تناساني
وأعاملك مثل ماشفتك تعاملني
وان قاله الله وعد ليجيك ماجاني
مسكين حدك اذا مفكر بتشغلني
ماتهز شعره عشان تهز وجداني
كني أشوفك تجي بكره تحايلني
وتقول توبه ماعاد أعودها ثاني
وأقول لك حل عني لاتجادلني
حرمت أنا مايجي لسانك على لساني
دامك بديت اتحداني تحملني
من قال لك ياصغيرون اتحداني

يابو فهد لاصرت تنشد

يابو فهد لاصرت تنشد عن الحال
حالي بها ياخوك عشرين عله
لي صاحب يسوى ثلاثين رجال
كل شهد وانا بعد شاهد له
طيب ....وفي .....كريم في كل الاحوال
ومن عاشره اقسم قسم ما يمله
كنت اتعذر له اذا زل او عال
بيني وبينه ماتجي اي زله
ما كنت اظنه يسمع القيل والقال
الين ماقفى وانا مقبل له
كشر بوجهي واحسبه ضايق البال
واقول في نفسي : مهي عاده له
اثره سمع يابو فهد هرج الانذال
حطوني ابغظته وانا منصح له
واليوم ابيك تحلها وانت حلال
يا سيفي اللي لاتضايقت اسله
يا طيب فعلك يوم اطالع بالافعال
انا اشهد ان اللي يغلك تغله
يابو فهد كن المراجل لك عيال
والطيب كنه عود وانت ولد له
ابيك تنشد وش بلا صاحبي مال
رح وشف وشبه تغير وقل له:
كانه يبيني حاول تحل الاشكال
وكانه مقفي جعلها سفره له

ارفق بحال المريخي

أبطّل دلع يا حبيبي أتـرك أعـذارك
يا شينك أن قمت تتدّلع ويـا زينـك
أنا فضولي بأحاول أكشف أسـرارك
أن ما تكلّمـت يالله عينـي بعينـك
خليت جنّه هلي وأخترت أنا نـارك
وسلّمت نفسي بنفسي وطحت بيدينك
ما أخترت حبّك حبيبي قلبي أختارك
حتى أنا مـا أجـي بينـه وبينـك
عنوانك بمهجتي وضلوعي ديـارك
أرفق بحال المريخي الله لا يهينـك
من كثر ما أخلفت عقلي لعنبو دارك
نسيت انك بقلبـي وأسألـك وينـك

يحلالي

يحلالي الشعر لا شفته ويحلاله
واللي يعجبه يرضى فيه يعجبني

أنا انطرب لا قصدت بردة افعاله
لا قلت شعري وقال : الله يطربني

ما هـــو مع الناس هو هناك بلحاله
ياقصى خفوقي يريحني ويتعبني

الله عطاني غلاه ونعمة اوصــاله
وحبّبه فيني مثــل ما فـــيه حبّبني

ما يجوز له شي مــدري كيف جزناله
انا اشهد اني مشنّص يوم قربني

ولو قالوا الناس : خله مالك وماله
باقول : يجذب ولا ادري كيف يجذبني

ادري مهـــو زين مـــاشيٍ حاله
زينه مهــــو كل هذا .. بس عاجبني

الثريا

لين العود يسعد لي مسا هالليونه
قم تمخطر هناك وقم تمخطر هنيّا

قم تثنى وخل الليل يكسي متونه
حيّ هاك القوام وحي هاك المحيّا

ورّهم كيف تقدر شي ما يقدرونه
علّم اهل الثرى وشلون رقص الثريّا

خلّهم يفقدون العقل ويودعونه
سوّ فيهم سواتك قبل ما اعرفك فيّا

انت يا ويل من جيته بنظره حنونه
اشهد انه بيصفق مثل صفقة يديّا

انت لا تلوم من شافك وطيّر عيونه
انت مفروض من شافك يسوّي كذيّا

تكفون خلووه

تكفون خلّوه لا تحصون غلطاته
انا ادري انه تلف حــــالي وضيعني

وادري سواة العدو ابرك من سواته
بس ان قلبي واعرفه ما يطاوعني

هذاك انا اضيع لا طالت نظراته
بعيونه الســـــود يسمح لي ويمنعني

أحلى عــــلامات فالدنيا علاماته
متّع نظر كـــــل من شافـــــه ومتّعني

خلـّوه يخطي انا راضي بســــيّاته
يخطي بكيـــفه ولكــــن لا يقاطعني

من كثر ما اغليه صرت افرح بزلاته
ولو قلتوا اخطا عليك اقول وش يعني ؟!

خلاني أمشي على كيفه ومشهاته
طوّعني شلون ؟! مدري بس طوّعني

» ديوان الامير الشاعر خالد الفيصل
» ديوان الشاعر حامد زيد
» ديوان الشاعر سعد علوش ,
» ديوان الشاعر الامير بدر بن عبدالمحسن
» ديوان الشاعر ناصر الفراعنه